Triest - Sant Just
Fin de Preistorie, il cuel al ve un cjistielîr che in ete romane al fo sît di un centri urban impuartant, conservât in part ancje in dì di vuê. La fuartece, fate in ete medievâl dai venezians, e fo butade jù dal 1381 par volê dal patriarcje di Aquilee e dome dal 1470 Fidrì III di Asburc al tornà a fâle sù. La republiche venite dal 1508 al 1509 e tornà a paronâ su Triest, e rinfuarcì lis difesis e, tornade ae Cjase di Austrie, i lavôrs a lerin indevant fin che dal 1630 si faserin i grancj bastions e dai mûrs di colegament.
Par secui il cjistiel al fo il sît di un cjapitani imperiâl che al guviernave la citât e al ve une grande impuartance strategjiche fintremai la ultime vuere. Il cuel al à ancje la catedrâl, dal secul XIV e dedicade a sant Just, fate sù su lis ruvinis di dôs glesiis, une basiliche dal cuint secul (nassude sui rudinaçs di un templi capitolin) e chê altre dal secul XI dedicade ae Assunzion de Vergjine, cuntun sacrari in onôr di sant Just. La tor dal cjampanili e je dal 1337.
Par secui il cjistiel al fo il sît di un cjapitani imperiâl che al guviernave la citât e al ve une grande impuartance strategjiche fintremai la ultime vuere. Il cuel al à ancje la catedrâl, dal secul XIV e dedicade a sant Just, fate sù su lis ruvinis di dôs glesiis, une basiliche dal cuint secul (nassude sui rudinaçs di un templi capitolin) e chê altre dal secul XI dedicade ae Assunzion de Vergjine, cuntun sacrari in onôr di sant Just. La tor dal cjampanili e je dal 1337.
