Vilalte
Il cjistiel, documentât za sul principi dal secul XIII e che al jere dai siôrs dal puest, al fo dispès sît di grancj combatiments sei pe posizion strategjiche, sei pe malcuietece dai siei feudataris. Nol è un câs che vie pal Tresinte, al sedi stât sdrumât e tornât a fâ plui voltis.
Dal 1453 Torre-Valsassina, famee lombarde contrarie ai Visconti lu ve in feut daspò di sei stade batude dai siei antagoniscj. I Torians a slargjarin une vore il cjistiel, massime cu la costruzion de grande ale dal rinassiment poiade intor dal turion vieri. Il complès, dut câs, nol à pierdût la sô forme origjinarie di opare fuarteçade, cu la tor alte, lis centis merladis a la ghibeline, il puint jevadôr, lis tantis bucheris. La atmosfere atrative di "nît di sparvâi vieris" e à une conferme tal fat che dentri dai siei mûrs al vivè Lucio della Torre, decapitât dal 1723 pes sôs impresis cruentis.
Dal 1453 Torre-Valsassina, famee lombarde contrarie ai Visconti lu ve in feut daspò di sei stade batude dai siei antagoniscj. I Torians a slargjarin une vore il cjistiel, massime cu la costruzion de grande ale dal rinassiment poiade intor dal turion vieri. Il complès, dut câs, nol à pierdût la sô forme origjinarie di opare fuarteçade, cu la tor alte, lis centis merladis a la ghibeline, il puint jevadôr, lis tantis bucheris. La atmosfere atrative di "nît di sparvâi vieris" e à une conferme tal fat che dentri dai siei mûrs al vivè Lucio della Torre, decapitât dal 1723 pes sôs impresis cruentis.