Çuc

Il cjistiel lu faserin sù i siôrs di Cucagne; al jere part di un sisteme difensîf che al tacave de lidrîs de mont cuntune piçule postazion par rivâ fintremai al sît (dal 1248) sul cuel plui alt "qui dicitur Rodingerius". Çuc al fo bandonât za dal Cinccent, forsit parcè fiscât intant dai disordins e dal taramot dal 1511 o ancje pe posizion fûr di man e no plui impuartante. Al cjistiel, che di agns al è il sît di un seminari estîf internazionâl di architeture medievâl, si rive fasint il troi di piere traviers dal bosc. La vision cuasi cristalizade dal cjistiel e incrès l’atrat, cui siei mûrs ancjemò pençs e cualchi particolâr difensîf tant che chei che a caraterizin la jentrade dal turion. Prin si pues visitâ la gleseute dal cjistiel, fate sù su la fonde di costruzions precedentis tor dal finî dal Cinccent di Gabriêl di Çuc; dentri la biele Madone dal lat tra i sants Zuan Batiste e Jacum dal secul XIV.